Sait semm de naiketn zòmm enviretrok sai’ vil gaben en de drai lender, vil van doin sai’ enviretrong kemmen en de zait. Ber denken, zan paispil, de sèlln ver de jungen, ver en verkear, ver en untersuach, ver de umbèlt ont s zivilschutz, ver de kultur.
Haier ist bèrt gem kemmen en bidergea’ va de kultur petn Jor van Museen van Euregio. S ausònder bèrt van EGlz unter en de politik ist gaben der sèll za lòng en de drai platz za versterchern de trèffen ont za tea’ zòmm mear abia sèll as de hattn alo’a gatu’.
“No zeichen jor va lem van Euregio – unterstraicht der president va de Autonome Provinz va Trea’t, Maurizio Fugatti – ber meing song as de zòmmòrbet zbischn der drai platz ist stercher. Vil sai’ de projektn as gatu’ kemmen sai’ ont as gea’ no en be za mòchen hearn der Euregio glaimer en de stòttkear. I denk der strument van Eglz hòt sechen galòk en de doin zeichen jor as der noat ist ont as men en versterchern miast ver za mòchen zòmmòrbetn nou mear de istituzionen ont de lait van Tirol, van Sudtirol ont van Trentin”.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
