
Ver en kapitan van Tirol Anton Mattle de raichekait van drai lander “tuat se spiagln en de ausònderkait van lander, plònznbèlt ont vicherbèlt, va de architektur ont van lait”, pòckt van letratn.
Ver en earste vòrt a lòntkòrt van Euregio bart lòng sechen òlla de platz bou as sai’ kemmen gamòcht de letratn ont asn klender bart men vinnen òlla de platz as men mu’ untersuachen ont de rezeptn van Euregio. Runt schea’ ist der letrat va de voursait, pet en beil Hans Bergmann va Strassen en Osttirol s nordliacht avn Grossglockner en de nòcht va d e11 van moi letratart hòt. “No an anaustaing va zboa stunnen, voll va bunder, pin e guat gaben za pòcken der doi natural anplick”, hòt der fotografer tsòk.
Men bart hom meing der klender umensist va de 26 van schanmikeal en Tirol ont va de 18 van òlderhaileng en Südtirol ont Trentin, finz as der garift ist, en de drai omtn van Euregio en Poazn, Innsbruck ont Trea’t. En Trentin men bart en vinnen en Casa Moggioli (af de Graziolistros, 25 - Trea’t) ont en de provinzaltirler van lònt ont en Nochrichtomt va Piazza Dante aa.
En Sudtirol, men bart en vinenn en de provinzalpalastn va Poazn aa ont der bart ausgem kemmen van Bòltnoschauer ont van òllgamoa’biblioteken aa; lai en Tirol bart s moglech sai’ kriang en ver post benn men schraip en euregio@tirol.gv.at.
Af de internetsait van Euregio vinnt men de lista van platz bou as der ausgem kimmp ont men mu aronemmen de digitalform van klender.
Letratdinst ont pilder kuriart van Euregio
Download van pilder ont vrogn en doi link
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol