Der Euregio stitzt de jungen musiker talentn
Der zil va de òchte edizion va de boch va de Jungotnkapelle van Euregio ist der sèll za gem bèrt en de jungen musiker talentn, leing sa zòmm aus de stòtt ont sproch grenzn ont asou mòchen sa zòmm gaing.
De konzertn
De rifkonzertn va de Jungotnkapelle van Euregio barn se hòltn en de drai lander: en vraita as de 26 van heibeger 2024 en Trentin (plòtz nou za vinnen), en sòmsta as de 27 van heibeger 2024 en Toblach ont en sunta as de 28 van heibeger 2024 bail de Promenade Concerts va Innsbruck. De jungen musiker barn kemmen mittgaholven van viarer Andrea Waldner (Tirol) ont van Franco Puliafito (Trentin). An konzert bart se hòltn as de 20 van prochet 2025 en Mayrhofen, en de tiroler Zillertal, bail der zòmmtrèff va de osteraichervraischòft van otnmusik. De toalnemmer va de Jungotnkapelle van Euregio va haier sai’ inngalont za schraim se inn en ausònder projekt 2025 aa.
Innschraimzaitn finz as de 30 van oberel
S ist moglech innschraim se finz as de 30 van oberel, durch de doi sait: https://bit.ly/orchestra-giovanile-euregio
Ver za nemmen toal en de bochprobe va de Jungotnkapelle van Euregio miast men zoln 150 euro ont men kriak za èssn, za schloven, de tèckstn ont de roas va ont finz en Innsbruck, Poazn ont Trea’t aa.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
