Sidar alóra soinsa gest mearare di sachandarn vürgevüart von drai lentar un ettlane vo disan gian vür sidar långa zait. Bar gedenkhan, baispil, di prodjèkte vor di djungen, bia zo mövrase, nåzosüacha, afte umbèlt un afte zivìl schütz, afte kultùr.
Ditza djar hatt azpe haupzil dar sèll zo geba mearar vèrt dar kultùr un vor ditza izta khent hergerichtet ’z djar von musèan von Euregio. Daz peste von européan khnopf z’arbata pittnåndar iz daz sèll zo geba zuar in drai lentar zo khennase pezzar un zo tüana vil mearar baz daz sèll bosa hettatn gemak tüan alumma.
“Dòpo zen djar lem von Euregio – hatta khött dar Vorsitzar vodar autónome Provìntz vo Tria, Maurizio Fugatti – mabar seng bia di mittarbat zbisnen in drai lentar iz khent hèrta sterchar. Ettlane di prodjèkte augelekk bada machan höarn in Euregio hèrta nempar in pürgar. I gloabe azta dar strumént von européan khnopf iz dise zen djar habe gezoaget z’soina nützlich un asó tarfmen machan khemmen no sterchar innzovånga no mearar di istitutziongen un di laüt von Tiról, Südtirol un Trentino”.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
