Traduzione in ladino

Ciampedel, mudazion generèla al Prg: Zulian nominà comissarie ad acta

L’architet Pietro Zulian l’é stat nominà da la Jonta provinzièla comissarie ad acta tel Comun de Ciampedel per l’adozion definitiva de la mudazion generèla al Prg. Jà del 2019 l’adozion dantfora de la mudazion la era stata stabilida dal comissarie ad acta, ajache 4 conseieres sun 8 no podea dèr jù sia stima, ma enceben che sie stat lità i comembres del nef consei de comun, l’Ombolt lità l’à confermà che l’orghen legislatif no l pel fèr fora chest argoment a cajon de la incompatibilità de la maoranza di conseieres lité. Aldò de la proponeta de l’assessor ai enc locai Mattia Gottardi, l’orghen esecutif provinzièl donca l’à confermà chesta encèria super partes, con na manscion che la durarà enscin a la fin del prozediment, co l’aproazion del prozediment da man de la Jonta.