“Der bando bill gem bèrt en de kultur va de glaichen rèchtn keing en de discriminazionen ont va de ònder sait mòchen projektn ver za nemmen vort de zichtekait zbischn de baiber ont de mander - hòt klòfft der assessor en de politik va de familie va de Autonome Provinz va Trea’t de Francesca Gerosa. Ont nou - de hòt klòfft - der zil ist der sèll za mòchen projektn as trong òlbe mearer za nèt hom hòrtkaitn ont an to za vortnemmen sa van gònzn ver za hom borega glaichen rèchtn.”
De meing vourtrong de vrong ver en paitrog de dinstn as nèt gabingen as hom de rèchtn as prauchen.
De vrong miasn kemmen tschickt en Umse Glaicha rèchtn vourschutzn keing de znichtekait ont kriminalitat va de Autonome Provinz va Trea’t en de zait zbischn de 15 van genner ont de 13 van hourneng 2024. S meing kemmen gem zuagèlt ver projektn as miasn en lònt va de provinz plaim ont de òrbetn miasn kemmen gamòcht vour de 31 van schantònderer 2024, a’ne meing envire trong de zait.
Der paitrog kimmp gem ver en 80 prozent van gònzn kostn as meing kemmen u’ganommen ont s ist derzelt as en gèltplan as kimmp vourtrong.
De dinstn as vourstelln de vrong ver de projektn as zuanemmen de schualistituzionen ont de kindergòrtn aa, miasn earst vrong za meing se innschraim en de provinzal institut ver de learsuach ont ver de learsperimentazion (IPRASE).
De zertifikatn van Family en Trentin, Family Audit ont Family Audit Executive, ausgem van Provinzal Dinst ver de social coesion, gem mear bèrt ver de sèlln dinstn as belln vourtrong an projekt. De schòftn as vourtrong de projektn as hom de doin zertifikatn barn krian mearer punktn ver za gem bèrt en ber as òrbetn tuat ver de politik ver en guatstea’ va de familie ont van welfare van bèrkn.
Dokumentazion asn doi link:
http://tinyurl.com/bdhw2urf
Vrong
Umse Glaicha rèchtn ver za nemmen vort de znichtekait
Dinst ver de sozialzòmmhòlt
email: umse.pariopportunita@provincia.tn.it
tel. 0461/493839
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
