S bart moglech sai’ gea’ pet a toal soalpent aa
As de 25 van moi 2024, òlla de sèlln as hom der EuregioFamilyPass ont/oder a giltega jor oder secks mu’net tauerkòrt en Tirol, Südtirol ont en Trentin ver de lokalòllgamoa’meivernsemittln, oder gilte a mu’net oder a boch aa, barn meing sechen de lander van Euregio dèster, sicher ont a’ne miasn bòrtn. S sai’ nèt drinn de zich as mòchen lònga ben abia der Frecciargento, der Railjet, der Eurocity ont der Intercity (IC). En Südtirol ont en Trentin barn umansist sai’ an ettlena soalpent aa, as gem an ausòndra moglechkait en de gònze familia: en Südtirol de soalpent van Renon, van Colle, va Verano, va Meltina ont va Maranza, ont nou s zichl van Renon ont s soalpont va de Mendola; en Trentin s soalpont Trea’t-Sardagna aa. S nimmp toal aa der Schbaizer PostAuto zbischn Malles ont Val Monastero, s nemmen nèt toal de Linea 282 Tanas-Lana ont de Shuttle Nightliner.
Aupasn van umkearstunnen
Men rotet de nutzer za schaung rècht de stunnen ver za kearn um, aa bavai s bart moglech sai’ as de lait as roasn barn mear sai’ abia de òndern ta.
Òlla de nochricht ont de stunnen sai’ tschrim as de websait: www.vvt.at (Tirol pet en zuch ver za gea’ en Südtirol), www.suedtirolmobil.info/it/ (Südtirol pet en zuch ver za gea’ en Innsbruck ont en Lienz) ont www.trentinotrasporti.it (Trentin).
Òndra nochricht asn doi link: https://www.europaregion.info/it/euregio/progetti/mobilita-trasporti/giornata-della-mobilita-euregio/
Derzua: flyer ont nochricht
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
