In Trentino bartma mang nützan di redjonàln aisanpånen dianst von Prènnar zbisnen Mezzocorona un Borghetto, di aisanpån Trento-Malè un di aisanpån vodar Valsugåna, di stattlischen bus vo Tria, Rovrait, Riva aftn Gardasea, Arco, Nago, Torbole, Pèrsan un Lavis, di sèlln extrastattlich vo Trentino Trasporti.
’Z stianda auz di trène boda gian bait azpe di Frecciargento, Railjet, Eurocity e Intercity (IC).
In Südiról un in Trentino soinda darzuar gratis zèrte kublpånen o, boda opfarn hèrta a spetzialega esperiéntz dar gåntzan famildja: in Trentino di kublpån Tria-Sardagna, in Südtiról di kublpånen von Renon, von Colle, Verano, Meltina un Maranza, un no darzuar, da khlumma aisanpån von Renon un di kublpån vodar Mendola. ’Z nemmenda toal dar initziatìf da svaitzer PostAuto zbisenen Malls un Monastir Tal, anvétze nemmenda nèt toal di linie 282 Tanas-Lana un di Shuttle Nightliner.
Ma vorst in nützar zo halta kunt von orarie zo kheara bidrùmm, ombrómm o ’z mage auzvalln azta in disan tage soinda mearare laüt baz daz sèll boma hatt geschètzt. Garadege informatziongen un orarie makmase vennen afte websaitn: www.vvt.at (zbisnen Tiról un Südtiról), www.suedtirolmobil.info/it/ (zbisnen Südtiról durch trène zbisnen Innsbruck un Lienz) un www.trentinotrasporti.it (Trentino).
Åndre informatziongen aftn link: https://www.europaregion.info/it/euregio/progetti/mobilita-trasporti/giornata-della-mobilita-euregio/
da gekhluppet: flyer pinn informatziongen
Übarsetzt von Schaltarle vor di zung von Toalkamou vodar Zimbar Hoachebene
