Akademi van Euregio: focus as de Autonomi ont asn Zboate Statut
Lunedì, 22 Agosto 2022 - 16:55 Comunicato
2531
Traduzione in mòcheno
Akademi van Euregio: focus as de Autonomi ont asn Zboate Statut
En Alpbach, en Tirol, de jungen hom se troffen pet auskenneta lait ver za klòffen iber de gschicht ont as de Autonomia
Drai ende bochen, drai derver, drai sprochen, vil de temen ont runt enteressant de personlichkaitn: de doi ist de Akademi van Euregio, as van 2015 òll zboa jor gip de moglechkait en de jungen as hom zbischn de 18 ont de 35 jor za klòffen, bail ausòndra trèffen, iber de zentral temen van Euroregion Tirol-Südtirol-Trentin. Haier de toalnemmer van vouder jarder vinnen se en Alpbach ver an follow-up as de “Visk jor van Zboate Statut va Autonomi: Gester. Morng”.
Derno za hom gagriast Andreas Eisendle van Euregio, sai’ kemmen gamòcht de vourstelln va Hans Karl Peterlini va de Universitet va Klagenfurt, va Esther Happacher va de Universitet va Innsbruck, van vouder tiroler schòffer Wendelin Weingartner ont va Roberto Toniatti va de Universitet va Innsbruck ont Trea’t. S hòt moderiart der trèff Günther Rautz van Istitut Eurac ver de rècht van minderhaitn.
Il Centro Congressi di Alpbach ospita l'edizione 2022 dell'Accademia dell'Euregio [
Archivio Euregio]
Bail der nomitto van pfinsta as de 18 van agest sai’ kemmen gamòcht de workshop as “Sèll as ist kemmen gatu’ iber de Zòmmòrbet zbischn Südtirol ont de Konsulta”. De jungen sai’ kemmen no tschauk va de Elisabeth Alber van Istitut Eurac ver de suach iber der verglaich federalismus ont va Jens Woelk va de Universitet va Trea’t. Men hòt garift der trèff pet en film “Südtirol – Toalt van sprochen”, ont derno men hòt klòfft pet de zaitungschraiberen va ORF Ines Pedoth.
Abia schoa’ tschrim, der trèff ist envire gòngen finz en sunta as de 21 van agest pet en To van Tirol, schoa’ en programm en European Forum va Alpbach.
Derzua: der programm
Letrattndinst ont pilder notschauk van Euregio
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol (Traduzione a cura dello Sportello linguistico della Comunità Alta Valsugana e Bersntol)
