A la leta ence vèlch coleament con impianc portamont
Ai 25 de mé del 2024, duc chi che à l’EuregioFamilyPass e/o n abonament valevol tel Tirol, Sudtirol e Trentin per l trasport public dal post anuèl, semestrèl e, per l Trentin, ence demò per n meis o na setemèna, i podarà cognoscer duta l’Euregio a n avida sorida, segura e zenza fèr couda coi auti. No vegn sport debant la ferates per viajes lonc Frecciargento, Railjet, Eurocity e Intercity (IC). Tel Sudtirol e tel Trentin sarà debant ence vèlch coleament con impianc portamont, che sporc semper na “esperienza fora de anter” a duta la familia: tel Sudtirol i impianc de Renon, de Colle, de Verano, de Meltina e Maranza, estra che a la picola ferata del Renon e de la Mendola; tel Trentin la funivia Trent-Sardagna. A chesta scomenzadiva tol pèrt ence l Autopostale de la Svizra anter Malles e Val Monastero, ma no tol pèrt la Linea 282 Tanas-Lana e i Shuttle Nightliner.
Met vèrda ai oraries per vegnir de retorn
Se envia i utenc a vardèr dantfora i oraries per l viac de retorn, ajache pel esser che te chesta dì particolèra ge sie più jent de viac che de zenza.
Maor informazions e oraries a la leta sui sic web: www.vvt.at (Tirol e coleamenc tras ferata col Sudtirol), www.suedtirolmobil.info/it/ (Sudtirol coleamenc tras ferata envers Dispruch e Lienz) e
www.trentinotrasporti.it (Trentin).
De autra informazions a chest link: https://www.europaregion.info/it/euregio/progetti/mobilita-trasporti/giornata-della-mobilita-euregio/
Te l’enjonta: flyer con informazions
Traduzion di Servijes Linguistics e Culturèi del Comun general de Fascia
