Tea’ eppas zòmm derbail as men untersuacht en sai’ lònt ont s sèll as s kònnt u’piatn en summer ist eppas as runt guat geat ver za prauchen ont za learnen s bersntolerisch. Za hom de mitòrbeter ont de lait as en plòtz as viarn der kindergrupp ist eppas as ver sei runt guat geat. Benn as se aa nèt kennen de sproch as en glaiche livell, za tea’ asou hom se de meglechkett za pruachen en sa en kontekstn as sai’ zan mearestn glaim en sai’ lem van òll to. Derzua, meing sechen direkt abia as gatu’ kemmen a toal òrbetn abia de sèll za mòchen en kas oder za kochen a toal òlta èssrezeptn, hilft runt ver za learnen pesser de richtegen beirter, de sèlln as zuakearn.
Der interèss van kinder ont der sai’ natural bunder hom zoakt as de iniziatif ist bichte ver za gem bèrt en de sproch en de jungen generazionen ont zolt o de organisazionòrbet van Institut ont va de sozial- cooperativa CS4 ont de gèlder va de Autonome Provinz va Trea’t.
