Ma mage nützan zèrte kublpånen o.
In tage von 25 madjo 2024 alle di sèlln boda håm in EuregioFamilyPass odar an abonamént vor di öffentleschen traspòrte boda varlért vor a djar odar a halbez in Tiról, Südtiról un vor in Trentino lai vor an månat odar a boch o, bartn mang gian zo khenna in gåntz Euregio dèstar, sichar un åna zo mocha paitn. ’Z stianda auz di trène boda gian bait azpe di Frecciargento, Railjet, Eurocity un Intercity (IC). In Südtiról un in Trentino bartma mang nützan åna zo mocha zaln di kublpånen o, boda opfarn a spetzialega esperiéntz dar gåntzan famildja: in Südtiról soinz di kublpånen von Renon, von Colle, vo Verano, vo Meltina un Maranza, darzuar in trène von Renon un di funicolare vodar Mendola; in Trentino di kublpån Tria-Sardagna. Dar initziatìf nimpta toal o dar Svaitz AutoPostale zbisnen Malles un Monastir tal, anvétze stianda auz di Linee 282 un Tanas-Lana un di Shuttle Nightliner.
Pass auf afte orarie zo kheara bidrùmm
Ma vorst in toalnemmar zo halta kunt von orarie zo kheara bidrùmm, ombrómm ’z mage auzvalln ke in disan tage soinda mearare laüt baz daz sèll boma hatt geschètzt. Garadege informatziongen un orarie makmase vennen afte websaitn: www.vvt.at (zbisnen Tiról un Südtiról), www.suedtirolmobil.info/it/ (zbisnen Südtiról durch trène zbisnen Innsbruck un Lienz) un www.trentinotrasporti.it (Trentino).
Åndre informatziongen aftn link: https://www.europaregion.info/it/euregio/progetti/mobilita-trasporti/giornata-della-mobilita-euregio/
dar gekhluppet: flyer pinn informatziongen
Übarsetzt von Schaltarle vor di zung von Toalkamou vodar Zimbar Hoachebene
