Traduzione in cimbro

"Zimbar Earde", mearar baz 900 puntate von zimbar Tg

[Cimbro] Da soin 904 di puntate von Teledjornàl gåntz gemacht von Kulturinstitut Lusérn, an innhaltar boda alle bochan macht bizzan bazta vürkhint in di kamòuschaft vodar zimbar zungmindarhait.
Ma geat von istitutzionàln afte kulturàl un spòrtìf trèff, darzuar von teledjornàl makma darvérn bazta iz nützlich un di gedenkhtang boda di lusérnar nèt mochan vorgèzzan, allz ditza zoaget bia di kamòuschaft iz no haüt starch gepuntet, siånka azta vil von soin laüt soin vort bait vo Lusérn, allz ummaz höarnsase gepuntet pinn gåntz hèrtz in lånt bosa soin khent afte bèlt un bosa håm gelebet soine pestn djar, asó azpe ma mak höarn khön åschaugante in nummar 900 vo Zimbar Earde gåntz übar da khlümmanarste européan zungmindarhait, boda da autonome Provìntz vo Tria un di Redjong Trentino-Südtiról schoanen ankunto in Autonomì Statùtt.
An spetzial video kontàrt di zimbarn vo Lusérn, “vo bo da khemmen, bosa soin, bo da bartn gian. An okasiong zo khenna pezzar di stòrdja vo disarn khlumman zungmindarhait boda iz uantze.