Traduzione in mòcheno

Za schual en versicherket: va de 3 van leistagest mu’ men u’riaven der grea’numer 800 390 270

Der grea’ numer ver za meing vrong òlls sèll as keart en de schual ist 800390270. S meing u’riaven òlla de strukturn ont de familie ver za vrong de regln ont de versicherketn as vour sai’ ver en Covid19 ver za kearn um za schual. Bail de doin stunnen gea’ envire de òrbetn ver za paroatn de u’stelltn, der doi dinst vonk u’ en pfinsta as de drai van leistagest. Der contact center gep ompòrt van ma’ta finz en vraita va um òchta en de vria finz um vinva nomitto ont en sòmsta va um òchta en de vria finz um zboa nomitto. Der grea’ numer ist kemmen augaleik durch der Dinst va voursicht ont hilfdinst zòmm pet en Leardipartiment.
Men denkt as òlla de nochrichtn ont de dokumentn as paschraim de virm van umkearn za schual ver en schualjor 2020/2021 sai’ kemmen zòmmgaleik en a sait van provinzal portal.