’Z iztase gemacht verte pinn zimbarn fabln di "Zimbarboch", di boch vodar zimbar kultùr

Ploaz laüt vor di "Zimbarboch", di boch vodar zimbar kultùr bodase iz gemacht verte an vraita in puachgeschèft Ancora vo Tria.
In tages von 24 von bintmånat, defatte, di Marialuisa Nicolussi Golo vodar lusérnar bibliotèk un dar Andrea Nicolussi Golo von Schaltarle vor di Zung von Toalkamòu vodar Zimbar Hoachebene håm gehaltet an labór boda soin khent aukontàrt , vor groaze un khlummane, di traditzionàln stòrdje vo Lusèrn.
Zbisnen in trèff vodar boch di sèlln boda soin zuarkhent mearar laüt, soinz gest: dar sèll boma hatt geredet von ladinar gedicht vodar Roberta Dapunt, übarsetzt azpe biar von Andrea Nicolussi Golo un di rede von Alessandro Anderloni “Il prete dei castagnari", übar in faff don Alberto Benedetti.
Di boch iz khent augelekk von Toalkamòu vodar Zimbar Hoachebene un von Kulturinstitùt Lusérn pittar hilfe von Kamòu vo Lusérn un von Dianst vor di Zungmindarhaitn vodar Provìntz.