Traduzione in ladino

“Vazineete tel week end” a Pinzol e a Sèn Jan

Va inant la campagna de vazinazion tel Trentin che encomai l’à passà via de garat la 400.000 doses dates fora con neves apuntaments. Chest fin de setemèna defat orirà i zentres de vazinazion de Pinzol e de Sèn Jan endrezé da la Federazion trentina de la Cooperazion, aldò de n projet metù a jir adum col Coordenament imprenditores e co l’Azienda provinzièla per i servijes sanitères. “La campagna de vazinazion fèsc n auter vèrech inant – l’é l coment de l’assessora a la sanità, politiches sozièles, pediments e familia Stefania Segnana – defat de gra al contribut prezious de la Cooperazion, en sabeda e en domenia sarà a la leta doi neves zentres de vazinazion a sostegn di raions da mont. La endesfida contra l Coronavirus va inant, ma l’é na endesfida che podon venjer demò se tegnon adum, col didament de duta la pèrts de la sozietà e, soraldut, col ge sporjer servijes a nesc sentadins ence te la valèdes: i zentres per i vazins metui a jir a Pinzol e a Sèn Jan va de chest vers, i vel meter a la leta n servije slarià fora per n gran trat de ores. Se vazinèr l’é na responsabilità de duc, l’é de besegn de l fèr per meter en segureza nosc teritorie e, tinultima, duc nos”.