De toalnemmer miasn guat kennen klòffen ont schraim s balsch. Benns de vrong barn sai’ mearer abia de platz bart kemmen vourganommen de sèlln as pesser schraim ont de sèlln as stea’ en de innbendege platz van trentin. Benns bart hom glaicha situazionen barts kemmen gamòcht a selezion pet tèckstn as barn kemmen tschickt van a kommission toalganommen van schraiber Valerio Millefoglie zòmm pet de Emanuela Rollandini ont de Lucia Cella, viarer van UMST ouberregiar van kulturalpahalter.
En de vinf zòmmtrèffen online barn se derzua leing òndra trèffen pet de lòntschòft vourstea’ner ont pet kultural auskenneta lait van trentin, as barn kemmen vourtschbunnen ont organisiart bail de schraibbèrkn.
De tèckstn as barn kemmen tschrim bail de schraibbèrkn barn kemmen zòmmklaup ont gadruck en a puach “Van òll bèlt, s dorf. Viarn durch a roas en de platz as ber trong ens innbende”.
De vrong miasn kemmen tschickt vour zamitto va de vinva van hourneng 2024 en adrèss email: emanuela.rollandini@provincia.tn.it
Ver za nemmen toaln en vourstelltrèff online miast men se u’mèlln as de plòtt Trentinische Village Bèlt https://mondotrentinovillage.it/
Derzua de vrog za nemmen toal
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
