I trei Distrec sanitères i é stac endrezé a chesta vida: Nord (Comunità Val de Non, Val de Sole, Rotaliana Koenigsberg, Paganella, Valle dei Laghi e Teritorie Val d’Adige); Sud (Comunità Giudicarie, Alto Garda e Ledro, Vallagarina e Magnifica Comunità degli Altipiani Cimbri); Est (Comunità Alta Valsugana e Bernstol, Valsugana e Tesino, Primier, Comun general de Fascia, Fiem e Val de Cembra).
Donca, i Distrec sanitères i cognarà favorir, tras n fort coordenament, n dret e pervalif azes ai servijes e a la cures sul tegnir provinzièl. Dantaldut ge vel se cruzièr di besegnes, semper più grieves, di pazienc, soraldut chi cronics, che à besegn de assistenza a do a do anter ospedèl e teritorie. Ti Distrec vegnarà endrezà rees profescionèles locales, per portèr inant na colaborazion integrèda dal pont de veduda profescionèl e organisatif per meter a jir i prozesc assistenzièi acioche i servije i abie maor percacenza.
Alò dai Distrec sanitères vegnarà logà la direzion di partimenc teritorièi e di partimenc de cordanza anter ospedèl e teritorie, aldò de n model de “teritorie polizentrich”, enveze alò dal ospedèl de la rei aziendèla vegnarà logà la direzion di partimenc di ospedèi, aldò de n model de “ospedèl polizentrich”.
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)
