Tsechen s bèrt van learnen zboa sprochen, as de viarer van schualninnrichtn as hom toal ganommen en projekt sai’ kontent, tsechen as de jungen tea’ guat u’nemmen ont as de autonome Provinz va Trea’t ont der Land Tirol billn envire gea’ pet de mitòrbetn as sai’ iaz en de schualn van zboa’ eirter, de mosnemm as ist kemmen u’ganommen billt envire gea’ pet de sezionen as learnen zboa sprochen pet zòmmprojektn zbischn Trea’t ont Innsbruck.
Der protokol, as gea’t envire van 2005, nimmt u’ der Institut Trea’t 2 va Cognola abia schual va zboa sprochen as mòcht toal van projekt. En de najeketn as sai’ kemmen u’ganommen van protokol ist de regl as de learer as mòchen toal van meivernse en Land Tirol meing nèt plaim mear as viar jarder.
De learer van Trentin as learnen en Tirol ver a zait meing asou pesser learnen de sproch, learnen de kultur van lònt as tuat sa innlonen ont de moglechkait za bòcksn en de òrbet ont u’nemmen òndra virm za learnen.
Benn as de kearn um en de schual van Trentin, de learer barn zoang en de kollegen sèll as de hom galeart ont asou der projekt ist gor an vurm as hilft za “learnen de learer”, en an europischesicht, pet de rif za versichern an sistem va qualitet ver za u’learnen, pet ausòndera, as innhòltn ont naia virm za learnen.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
