Con TreC+ l azes ai servijes sanitères on-line l vegn fat tras na piataforma web e na aplicazion del Servije sanitèr provinzièl olache vegn metù su e rua ite prestazions e dac sanitères scialdi a la leta e con azes più sorì per l sentadin. De gra a TrecC+, i trentins i à a la leta una de la pruma piataformes te la Tèlia de servijes on-line da durèr per la interazion col Servije sanitèr provinzièl.
TreC+ l é l ejit de n projet volù da la Provinzia autonoma de Trent, da l’Azienda provinzièla per i servijes sanitères e da la Fondazion Bruno Kessler e metù a jir tras l zenter de competenza sanità digitèla TrentinoSalute4.0.
Per ciarièr i neves agiornamenc su l’app TreC+ bèsta demò desćiarièr la neva verscion dai store (Android o iOS). Chi che no à amò desćiarià l’app TreC+, arà l met de l fèr a na vida autonoma con azes dal portal web trec.trentinosalute.net ge jan do a la indicazions.
Tel detai la neva funzionalitèdes de TreC+ l é:
- integrazion con Mypay: vegn dat l met de paèr la prestazions sanitères su TreC+;
- notifiches push dac sanitères: vegn manà na notifica push canche n utent delegà va ite te la TreC+ del delegant, opuramenter canche vegn vedù n refert/na prescrizion su la piataforma web;
- archiviazion referc e rezetes: se pel no fèr veder n refert/na prescrizion da la lingia generèla. L é stat enjontà n filter de enrescida che dèsc l met de veder i referc/prescrizions che se à sconet;
- ciarièr dal fonin i referac medics creé off-line: se pel ciarièr documenc personèi (referac o etres documenc sanitères) col fonin.
Traduzion di Servijes Linguistics e Culturèi del Comun general de Fascia
