Pitt TreC+ makma inngian in di sanitér dianst durch a web plattform von provintziàl sanitér Dianst boda drau soin alle di date boda ågian soinar gesunthait, date boda dar pürgar mage hèrta vennen dèstar in aniaglan momént. Ankunto TreC+, di trentinar pürgar håm a dispositziong ummana von earstn plattformen in Beleschlånt boda gem sanitér dianst on-line un bodase pintn garade pinn provintziàl sanitér Dianst.
TreC+ iz a prodjèkt geböllt vodar autonome Provìntz vo tria, von provintziàl Betrib vor di sanitér dianst un vodar Bruno Kessler Stiftung un iz khent gemacht von Zentrum vor da digitàl gesunthait kompetentz TrentinoSalute4.0.
Zo vazza di vornaügarung vodar app TreC+ iz genumma abenemmen da naüge versiong von store (Android odar iOS). Berda, anvétze, hatt nonet inngevüart di app TreC+ makz tüan lai alumma gianante aftn web portàl trec.trentinosalute.net un gianante nå daz sèll boden khint gezoaget.
Dise da untar di naüng funktziongen vo TreC+
- darzuar pitt Mypay: zo maga zaln di sanitér dianst garade drinn in TreC+;
- meldn push di sanitér date: ’z khinta gemeldet pittnan push balda a nützar delegart geat inn in TreC+ odar balda khint gezoaget a refèrt odar a repetze afte plattform;
- hileng refèrte un repetze: ’z khinta zuargètt zo maga untartuschan di refèrte odar di repetze nemmantese vort vodar djeneràl liste. ’Z iz möglich khearn z’sega refèrte un repetze boda soin khent untartuscht;
- vazzan aftz hånt dispositivan refèrte off-line: ma mage vazzan sèlbart briavan (referte un åndre sanitér briavan) garade von hånt telefon.
Übarsetzt von Schaltarle vor di zung von Toalkamou vodar Zimbar Hoachebene
