Traduzione in ladino

Trasport publich sui jouves dolomitics, la convenzion co la Provinzia autonoma de Busan la é stata aproèda

[Ladino] La colaborazion co la Provinzia autonoma de Busan dintornvia l trasport publich la vegn renovèda ence per chesta sajon da d’istà. Con n provediment proponet dal assessor Mattia Gottardi, la Jonta provinzièla à aproà n schem de convenzion co la Provinzia autonoma de Busan per l smaorament, per d’istà, dai 15 de jugn ai 20 de setember del 2024, del servije de trasport publich de linia col perveder l coleament (tras la linia 471) per jir e vegnir dal Jouf de Sela a Cianacei; servije gestì da na sozietà per cont de la Provinzia autonoma de Busan. La convenzion, aproèda en lunesc ai 17 de jugn la perveit ence la integrazion de la tarifa per chi che à la Guest Card su la linea 471 “Jouf de Pordoi/Cianacei – Jouf de Sela – Val Gherdena”. L é n servije utol – sotrissea l assessor Gottardi – che deida a smendrèr l trafich e donca ence l entesseament te un di ambienc naturèi più bie e delicac. Chesta colaborazion smaora l servije de trasport publich con n coleament anter la Provinzies de Trent e de Busan. Ghesć e sentadins pel cerner n meso desvalif che chel sie privat, con n vantaje per la sostegnibilità e per la calità ambientèla, te n trat del an olache rua adarlèrch sacotenc ghesć”.