Traduzione in mòcheno
Taitscha minderhaintn, der punkt as de suach ont as de sprochu’lear
En vraita as de 24 van òlderhaileng en Palai en Bersntol an trèff as de
Klòffen ont tschbinnen zòmm as de sprochu’lear, as schellt gilt gem en de lokal pahalter stòtt kemmen versteckt van greasern sprochen as kemmen mear praucht: der doi ist der u’vong van trèff organisiart van Bersntoler Kulturinstitut as hòt abia titl “De taitschn lokaln sprochen, learnen ont u’learnen”. Der trèff, bou as toalnemmen de studentn va de akademi ont de learer va de taitschn sprochinsln van Friuli, bart se hòltn en vraita as de 24 van òlderhaileng va um naina en de vria finz um seksa zobenz, en de Gamoa’sol va Palai en Bersntol ont s mòcht toal van iniziatif ver za kennen pesser de sproch, storische, antropologe ont sozial aspektn van lokal gamoa’schòft as zuakearn en projekt “De kròft va de minderhait: s bider augea’ van a taitsches dorf as de sud sait van Alpn”, pet de zuazoln van PNRR. Der trèff ist ver de studentn, ver de learer, ver ausskenneta lait ont ver òlla de lait.
S tuat au der trèff Jasone Cenoz, president van Komitat di Scienze Educative del Concilio di Ricerca Spagnolo (AEI), pet an pericht as “The state of the Basque Country now: linguistic research, language policy, learning/teaching Basque” (as spagnolesch, pet derno de ibersetzt). Derno a sezion as de "Aspektn ont as de problem van taitschn gruppn en Balschlònt: sprochpolitik ont lear/u’lear", pet en Livio Gaeta, Universitet va Torino; Francesco Costantini, Universitet va Udine; Romano Madaro, Universitet va Trea’t; Ermenegildo Bidese, Universitet va Trea’t; Velia Plozner, TimauTischlbòng (UD); Lucia Protto, Sauris/Zahre (UD); Federica Ricci Garotti, Universitet va Trea’t; Leo Toller ont Claudia Marchesoni, Bersntoler Kulturinstitut.
Derzua: s zeitl
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(cdt)
Immagini
