Lunedì, 26 Agosto 2024 - 15:28 Comunicato 2173

Traduzione in ladino
Spazio Argento del Comun General de Fascia, vegn portà dant l codejel informatif

En vender ai 30 de aost del 2024, da les 5 domesdì, te Sala grana del Comun General de Fascia, a Sèn Jan

[Ladino] Che él pa Spazio Argento? A chesta e a de autra domanes vel ge dèr na responeta l Codejel de informazion sui servijes e i intervenc per la jent che à più che 65 egn endrezà dal Servije sozio-assistenzièl - Spazio Argento del Comun General de Fascia. L vegnarà portà dant te na scontrèda orida a duc en vender ai 30 de aost del 2024 da les 5 domesdì aló da la Sala grana del Comun General de Fascia a Sèn Jan.

La publicazion l é l ejit de n lurier fat adum da dut l grop de Spazio Argento e la é stata metuda ensema per binèr adum te n document soul la informazions sui servijes prinzipai che ge vegn sport a la jent de età da man di servijes sozio-assistenzièi che laora sul tegnir de Fascia, acioche l sie a la leta de duta la jent che se ouc al Portel de Spazio Argento.

Tel codejel se pel troèr informazions sui portie per la jent e su la ressorses del teritorie e ence sui intervenc a cèsa, residenzièi e semi-residenzièi, estra che cosć, tarifes e contac de utol.

Traduzion di Servijes Linguistics e Culturèi del Comun general de Fascia

(cdt)


Immagini