Rifmentsch
S meing toalnemmen de studentn as:
- learnen en doi schualjor 2023/2024 de zboate klasse van trea’tner viarjoregenlicei oder de dritte klasse van zboateschualn va zboate tritt van Trentin oder va aus Provinz;
- hom nèt mear va zboa’sk jor schoa gamòcht;
- vonen en de Provinz va Trea’t;
- de sai’ drinn en a familia as hòt an ICEF 2023, as men vinnt en de Oa’zege Vrog” 2024, niderer va 0,60.
Kriang s studiumprais ist meglech lai benn as de hom turchgamòcht s schualjor 2023/2024 a’ne schualmengeln.
Bou
Der schualring en auslònt bart pasuacht kemmen miasn en a schual as an sitz hòt en an Lònt extra Europeische Union. Ver de organisasion van schualring der student mu vraia virm prauchen, abia zan paispil, der mu toalnemmen en vourschlogn va schualriarnse unterstitzt va de schual va de beil as der kimmp, der mu se innschraim en program en auslònt gamòcht va entn, vraischòftn, bèrkn as òrbetn en ring van schualriarnse, der mu se sèlber an projekt mòchen van ring durch en suachen de schual en auslònt ont en plòtz bou za gea’ za stea’.
Tauern zaitn
S tauern va de schualzait mu sai’ a jor (mindestn 240 to) oder ver minder zait (mindestn 110 to).
U’trong de vrogn
Men mu der bando aronemmen va de sait www.vivoscuola.it. De vrog miast inntrong kemmen lai durch telematischen virm ont men miast prauchen der SPID, de CIE oder de CPS, sait de 9:00 van eirta af de 7 van òlderhaileng ont finz af de 13:00 van pfinsta af de 7 van schantònderer 2023.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
