L'attività estiva dei bambini partecipanti al "Summer Club" in Valle dei Mòcheni [
Archivio Istituto Mòcheno/Bersntoler Kulturinstitut]
De doin, en kurz, de projektn as sai’ kemmen u’ganommen ver de zuazoln:
- "Summer club 2023", an projekt van Bersntoler Kulturinstitut as hòt der rif za mòchen klòffen s bersntolerisch en de kinder ont en de jungen pet spiln bail en summer. Der stòrch punkt van projekt, ist mòchen kennen de lokal kultur durch de aigene sproch;
- “Learnen as bersntolerisch en kindergòrtn va Vlarotz”, ver en Bernstoler Kulturinstitut ont ver de kinder va de bersntoler gamoa’schòft ver za prauchen de sprochminderhait en de mearer attivitetn va de schual. Der projekt hòt vour sèll za leing a mentsch as klòfft bersntolerisch za leing nemm en de learer ver za lòng mear hearn de lokal sproch ver almen viar stunnen asn to;
- “S Bersntol zbischn spil ont borekait”, enviretrong van IC Persn 1, as hòt ausòndera virm ver za learnen de sprochminderhait, ont tuat innnemmen de familie van kinder ont de gamoa’schòft. Zbischn de vourtschbinn de sèll za mòchen drai kursn va bersntolerisch ver de lait;
- “Kursn ver za learnen de ladinesche sproch ver de lait - jor 2023”, enviretrong va de Scola Ladina de Fascia. An projekt ver za learnen en òlla de lait as billn klòffen, lesn ont schraim de ladinesche sproch, gor pet en rif za versichern s kennen de ladinesche sproch;
- “Kennen de sprochen ont de eirter van sprochminderhaitn” (IC Folgaria-Lavarone-Luserna), drinn en an greasern projekt ver za giltn ont derretn de sproch ont de zimber kultur, pet an unterstitz ver za learnen u’ de kinder zbischn en vourkindergòrtn ont en kindergòrtn;
- Projekt ver za gea’ envire “Khlummane lustege tritt” - jor 2023”, enviretrong van Kulturinstitut Lusérn, as hòt abia rif s mòchen verstea’ de zimber sproch van òlla de kinder as gea’ en kindergòrtn va Lusèrn. Der projekt billt a mentsch as boast de kultur nemm en de learer van lokal kindergòrtn ont der projekt ver za gea’ envire, ver de kinder as hom zbischn de drai mu’net ont de drai jor;
- ”Schual topuach 2023/2024” (Kulturinstitut Lusèrn), an bichtegen mittl ver za gem de nochrichtn en de familie pet de kinder as gea’ za schual. S topuach, schoa’ austoalt en 2022, bart kemmen innpfilt va naia temen ont s bart sai’ as peada de sprochen, as zimber-taitsch, s bart sai’ a puach ver za verstea’ de zòmmnètz van sprochen.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
