De hilf ist a prais va nèt mear as 200 euro ver an iats jungs vi as ist kemmen trong asn pèrg (nèt mear as 40 vicher) ver nèt minder as 70 ta en de zait van earst van prochet - 15 van leistagst. S doi gèlt ist garèchnt noch en gèlt as hom praucht de auziglbèrkn ver za versichern de attivitet van etzn de pèrngbisn, iberhaup petn zins van bisn ont van stelder, s gèlt as kimmp praucht ver za trong de vicher ont òlls sèll as noat ist ver za trong asn pèrg de kelber. Vil de naieketn, men miaset minder kòrtn mòchen ont de hilf ist neamer zan minderstn. S ist gor kemmen drinn galeik as benn oa’s oder mearer vicher kemmen pfrèssn va groasa vlaischèssvicher, der prais kimmp va nai’t garèchnt noch de ta as de vicher hom gaetz der pèrg: vouraus ist nia kemmen inngahòltn en paitrog.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
