Destinatères
Vegn ametù a la scomenzadiva i studenc che:
- chest an de scola 2023/2024 i fèsc la seconda di licees trentines o la terza de la scola autes tel Trentin o fora de provinzia;
- che no i à più che 20 egn;
- che i é enciasé te la Provinzia de Trent;
- i à na condizion economica con indicator ICEF 2023 de la Domana Unica 2024 mender che 0,60.
Vegn paà l stipendium demò se vegn fenì su l an de scola 2023/2024 zenza menciazes de formazion.
Olà
L percors de scola a la foresta l cognarà vegnir fat te na scola con senta te n Paisc fora da l’Union europeèna. L student pel se endrezèr sie percors coche l vel, l pel per ejempie, se emprevaler de la proponetes de mobilità per i studenc portèdes inant da l’istituzion scolastica da olache l vegn, se enscinuèr a programes a la foresta metui a jir da enc, sociazions, agenzies che laora tel setor de la mobilità per i joegn, se projetèr l percors col se troèr fora enstes la scola foresta e l cartier.
Regnèda
La regnèda del percors de istruzion la pel esser de dut l an (240 dis minimai) o per na pèrt (110 dis minimai).
Prejentazion de la domanes
L avis se pel se l desćiarièr dal sit www.vivoscuola.it. La domana la cognarà vegnir fata demò tras prozedures telematiches se emprevalan de la SPID (Sistema Pubblico di Identità Digitale/ Sistem Publich de Recognosciment Digitèl), CIE (Carta d’Identità Elettronica/Document de Recognosciment Eletronich) o CPS (Carta provinciale per i Servizi/Chèrta provinzièla di Servijes), con scomenz da les 9.00 da doman de en mèrtesc ai 7 de november enscin a la 13.00 domesdì de en jebia ai 7 de dezember del 2023.
Traduzion di Servijes Linguistics e Culturèi del Comun general de Fascia
