Traduzione in ladino
“Pedies”: l é fora la puntata #456 del rotocalch ladin
Manà fora su Trentino Tv l program l vegn endrezà dal Comun General de Fascia
[Ladino] N nef apuntament de “Pedies”, l rotocalch ladin de informazion, ruà a la puntata 456. I argomenc de chesta setemèna: la Festa de la ASUC trentines- a Poza la scontrèda per esser comunanza e per rejonèr de davegnir; a La Plié de Fodom ge é stat dedicà la piaza de comun a Catarina Lanz, na ela ladina, nasciuda te Mareo e morta te Fodom, doventèda simbol de resistenza per l’unità e l’identità di ladins; la Comiscion afares economics del Comun General de Fascia à metù a jir na lingia de scontrèdes per na maor cultura finanzièla, la pruma à portà dant l Fon Euregio+ Turism; l meis de otober l é l meis de la prevenzion del tumor al piet, te Fascia l é n grop che dut l an deida la eles che à abù na operazion per chest tumor.
Amò apede, en ocajion de la Festa del Rengraziament ai 26 e ai 27 de otober del 2024 vegnarà fat l’inaudazion de la Ciasa de la Moniaria, restaurèda da pech: per saer avisa l program di doi dis se pel jir sui social del Comun General de Fascia.
I servijes de chesta setemèna, enjigné da Angela Pederiva, Sabrina Riz e Riccardo Zanoner, i vegn porté dant da la ousc de Sabrina Riz.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Sudtirol, “Pedies” l va fora su Trentino Tv vigni sabeda da les sie da sera, de domenia da mesa la does domesdì e de lunesc da mesa les doudesc.
Se pel veder duta la puntates ence sul canal YouTube de TV Ladina sun chest link: https://www.youtube.com/@TvLadina
Se pel veder i servijes un a un su la piata Facebook de TV Ladina: https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
(cdt)
Immagini