![](/var/002/storage/images/media/immagini-comunicati-stampa/banda-dei-loghi-pnrr-image/3732252-1-ita-IT/Banda-dei-loghi-PNRR_imagefullwide.png)
De vrong ver en zuagèlt mein kemmen gamòcht va gònz kloa’na, kloa’na bèrkn as vourtrong imprenditorialnprojektn aloa’ oder en zòmmbèrkn va kapital oder va lait, ont nou de bèrkn aloa’ ont en zòmmleing se no en de artikln 2511 ont derno gamòcht van zivil verregl.
De hilfn kemmen gem lai unter verliar gèlt ont en meareste messenkait van 75% van projekt as mu kemmen gem ver nèt mear va 150.000,00 euro, no en verregl de minimis. Men mu kriang der 90%, òlbe nèt mear van meareste as men mu kriang, ver de nain bèrkn as meing kemmen nai gamòcht en de 20 to derno va benn as ist kemmen guat omport gem en de vrog, oder ver de bèrkn as sai’ gamòcht va junga/baiber.
S òllgamoa’nochricht ont de documentn as kearn en sai’ en doi link: https://www.provincia.tn.it/Servizi/PNRR-M1C3I2.1-Contributi-iniziative-imprenditoriali-comune-Palu-del-Fersina
De innschraimse vrong miasn kemmen tschikt pet de PEC vour en 30 van leistagest 2023 en adress: dip.sviluppoeconomico@pec.provincia.tn.it abia betrèff s miast kemmen tschrim: “avviso M1C3 I2.1. iniziative imprenditoriali Palù del Fersina”.
De formatn van file as mein kemmen u’ganommen sai’: PDF oder PDF/A (pet estension .p7m benn de sai’ digitalet untertschrim); s kemmen nèt u’ganommen de file en kloa’ gamòcht (abia:.zip;.rar; ont òndra.).
Aupassn: de pdf as meing kemmen auspfillkt miasn sai’ gabèckslt vour za kemmen tschickt.
"Attrattività dei Borghi", bos ist
Turch de Mission 1 Sait 3 Zuazol 2.1. "Attrattività dei Borghi", der PNRR hòt gabellt hèlven s birtshòft ont s social verpesser van kloa’n lònt en balschlònt, gschichtn derver as hom an kultural, gschicht ont praich pahalter.
Ver dòs pet de Linea va òrbet A hòt auspfuntn zbuansk gamoa’n ver vournaia projektn ver za verpessern ont vernaiern s kultural, social ont birtschoft pahalter va 20 derver as sai’ iaz lar oder bea’ne galept ont riskiarn za sterm.
En merz van 2022 de Autonome Provinz va Trea’t hòt vourtrong de vrog ver za toalnemmen en projekt ver en dorf va de gamoa’ va Palai pet an projekt gahoasn: “De kròft va de minderhait: mòchen bider len s taitsches dorf en sud van Alpn”, der PNRR hòt ver dòs gem a zuagèlt va 20 milionen va euro.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol