![](/var/002/storage/images/media/immagini-comunicati-stampa/dscn2035-palu-panorama-inverno-image/3710478-1-ita-IT/DSCN2035-Palu-panorama-inverno_imagefullwide.jpg)
De òrbetbèrk va de autonome Provinz va Trea’t - gèltsgott en a zòmmòrbet pet ASAT, Confesercenti, Confcommercio, bilateraln Dinstn van turismus, Cigl, Cisl ont Uil - nimmp au de kandidaturn ver za tschernen de lait as enteressiart sai’ za òrbetn bail de binterzait 2023/2024, ont asou laichtern de trèffn zbischn de turistik operatorn as noch sai’ za suachen u’stelltn.
Iberhaup, de òrbeter barn se meing u’mèlln ver de òrbet as mear keart en no sèll as de sai’ guat za tea’, der barn asou toal mòchen van a list turismus ont de operatorn van turismus - pet de hilf van Centrum ver de òrbet ont/oder de Vraischòftn van òrbeter - der barn meing hom de doi lista ont vrong zertifikareta u’stelltn.
De iniziativ ist kemmen guat bider gamòcht en de jarder gèltsgott en oa’ne Protokoll u’ganòmmen schoa en 2020 ont bider vernaiert en de ziln en 2021. Zil van protokoll ist sèll za mòchen bòcksn ont versterchern s òrbetn en turismus van trentin pet an opfer òlbe mear guat ont zertifikart ver za meing gem en turist eppes as der bart nèt vergèssn ver za tschernen òlbe s inger lònt ver za vertraim de ferien en binter.
De òrbeter as men suacht gea’ va de koch ont va de u’stelltn en de birtshaiser as sai’ en inngòng, de sèlln en birt, en de kommern ont en wellness.
Abia za u’melln se:
Der òrbeter enteressiart mu ausvilln der form as ist as de sait va de Agenzia va de òrbet, oder vrong en Zentrum ver de òrbet van lònt bou as der ist ver za hom a hilf.
S u’melln se bart kemmen gem en de Vraischòftn ver de òrbeter van turismus ont en de operatorn van turismus as suachen òrbeter; asou de òrbeter barn kemmen gariaft dirèkt van pauern van sektor oder van Zentrum ver de òrbet.
Abia vrong òrbeter:
De turismus operatorn meing vrong de na’m van òrbeter as vrai sai’ ver en sektor as de belln turch der Zentrum ver de òrbet as keart ont/oder de Vraischòftn van òrbeter. Ver mearer informazionen ver za vrong u’stelltn mecht men sa hom as de sait va de Agenzia va de òrbet.
Ver za meing zòmmòrbetn pet de Vraischòftn ver de òrbeter, de Agenzia ver de òrbet bart meing mòchen òndra dinstn va couting ont nochrichtn mear dirèckt ver sèll as de bèrkn suachen.
Ver za bissn mear
suachen as de sait va de Agenzia va de òrbet: https://www.agenzialavoro.tn.it/TESTI-AVVISI/IL-TURISMO-ASSUME
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol