De trentiner as barn krian de nain sanitarn zeitler a'ne microchip (TS) barn meing prauchen de vourdern zeitler finz as de 31 van schantonderer 2023, de sèlln pet en microprocessor (TS/CPS), praucht vourder, aa benn s as en eigene zeitl s hòt tschrim der gilte to schoa verpai.
Dos kimmp gatu' ver za long prauchen en de lait de digitaln dinstn ver de istituzionaln saitn va de òllgamoa' amministrazion ver de beiln ist pfrok za gea' aninn pet de digitalet identitat. Abia kein, en trentin sai' iber de 18tausnt de lait as hait prauchen s zeitl pet en chip ver de online dinstn. De òndern trentiner, iber de 220tausnt lait, hom liaber der sistem van Spid, as mu kemmen praucht as an iatn computer, tablet ont smartphone. Do òlla de informazionen ver za vrong Spid en Trentin: https://www.provincia.tn.it/Servizi/Richiedere-SPID.
De digitaln dinstn sai' en paispil ver de kronkendinstn (de cartella clinica) schual (innschraim se ont elektronischen registro), catasto, òllgamoa' zuazoln, innschraim se en de konkursn, lista van bèrk telematischn, zoln ont òllgamoa' amministration. Abia kein, òlla za meing drin gea' pet de sanitarzeitl pet en chip ont pet en Spid.
Abia za mein envire trong der gilteto va de sanitarzeitl pet en chip (TS/CPS).
Zan earstn miast men song as s envire trong van gilteto van òlt zeitl TS/CPS miast men s mòchen vour van sèll to ont nèt derno. S vurm za enviretraim de giltezait van zertifikat va autenticazion van vourder zeitl pet en microchip vinnt men s as en doi adrezz: https://sistemats1.sanita.finanze.it/portale/elenco-driver-cittadini-modalita-accesso.
A vòrt aninn gongen en portal bart men miasn no gea' en sèll as tschrim ist ver za miasn villaicht vernaiern der software ont hom en de hent der Pin ont der Puk nummer van zeitl as ist noch za nea'mer gilte sai'. De zboa numere sai' kemmen gem en mentsch en moment va de earste attivazion van zeitl TS/CPS ont men mecht sa bider suachen ont bider mòchen as de tirler en de gamoa'n as helven en doi vurm. Do unter ist meglech der link ont de informazionen van platz bou as sai' de hilftirler en Trentin.
A vòrt gamòcht de dinger ver za bider giltn s zeitl de lait meing envire gea' za lesn s zeitl pet en maschidl smart card. Der sistem, a vòrt kennt s zeitl bart bècksln s giltezait van zeitl pet en batu' “Rinnova”. Ver dòs bart kemmen pfrok za oa'ne sai' pet de informativ va de privacy ont de nummere van Pin ont van Puk.
A vòrt garift de doin dinger, s vourder zeitl bart meing kemmen praucht (TS/CPS) lai ver de online dinstn va de òllgamoa' amministrazion finz en de leistn van an ònders jor.
Info Tirler van Trentin:
https://www.provincia.tn.it/Servizi/Attivare-la-Carta-Provinciale-dei-Servizi-CPS.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
