Ausbende ont an innbendegen sol sai’ kemmen gamoln van an Albertini Pietro va Lavis, as s sai’ de oa’zegen òrbetn as men boast as sai’. S umpau ist an bichtegen birtschòft-politik kraizbe gaben, kemmen kultural aa en 2008, s jor benn as s ist kemmen ausgarichtet s architektonische pahalter.
Runt bichte en museum Pietra Viva ist de kollezion van mineraln tschenkt van zbindln Pallaoro Lino ont Mario, ont òndra kollezionen tschenkt van privatn: a boteig van an tischler ont oa’na van an schuaster. De innrichtn ont s etnografische material mòchen toal van pahalter van Museum. Ausbende ist kemmen austellt a kloa’na gruab bou as de kinder meing suachen de mineraln, a talel ver za suachen s golt ont de innrichtn u’gahenk en de mineral òrbet en bòlt.
En de zait sai’ kemmen kaft mearer sòchen as hom raicher gamòcht kemmen de haup pahalter, finz en de jarder 2018/19 pet de internazional kollezion van mineraln (òrbet Edward Dukel) ont der personal malacologische arkif van Luciano Grosselli. Peada mòchen toal va bischòftviarn van 2020.
Letratdinst ont film gamòcht van Druckomt
Download pilder ont vrong do: https://bit.ly/42o1PuY
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
