Traduzione in mòcheno

Mithilfpaitrog: de zaitn sai’ verlengert kemmen ver de vrogn va biderschau van ICEF

[Mòcheno] S hòt zait finz af de 29 van hourneng 2024 ver za trong inn de vrogn ver en biderschau van birtschòftstatus ver za kriang der mithilfpaitrog. S hòt s de Provinzaljunta u’ganommen, tschoum van asesor en de tsunthait Mario Tonina: “Der hilfpaitrog ist a bichteges mittl, avai s ist gamòcht kemmen ver za unterstitzn s plaim van lait as nèt aloa’ veche sai’ en sai’ haus - sok der provinzalasesor. - Ver za gem envir s gèlt en de lait as der paitrog schoa’ kriang, ist a verlenkerung u’ganommen kemmen, asou abia vertn, ont abia as tsòk hòt de Apapi sèlber, s Provinzlabèrk ver de mithilf ont de integrativvoursorge, ont sèll as de patronatn vourtschbunnen hom”. S barn zboa mu’netn mear gem ver za trong inn de modeln ver za kriang der mithilfpaitrog ver en 2024, pet en plaim van rècht van paitrog a’ne meing en vourschiam va de 1. van genner 2024.