Traduzione in cimbro

Mearar baz 3 mildjü vor in ratbege Folgrait-Lusérn

[Cimbro] Untargelekk 3.078.339,37 euro vor in Kamòu vo Folgrait zo macha in ratbege sin atz Lusérn, ummadar von toaln von sèll boda bart pintn da zimbar hoachebene pittar sèlln von Simm kamöündarn vürgelekk von akòrd zbisnen dar autonome Provìntz vo Tria un di Redjong Veneto, nützante ’z gèlt boda iz untargelekk vor di Kamöü auz nå in provintziàln konfìn. Ditza machta auz di delibera, vorgelekk von provintziàl asesór vor di låntschaft, auzohalta di trentinar produkte, umbèlt, vorz bazzar un lånt emtar un ågenump vodar Djunta atz 7 von prachant.
Pitt disan provedimént gèttma zuar an schütz vor an gåntz bichtegen prodjèkt vor an turismo un a mobilitét boma mage no auhaltn un zo pinta di hoachebene pitt soin nachparn von Veneto, asó hatta khött dar asesór vor di låntschaft, auzohalta di trentinar produkte, umbèlt, vorz bazzar un lånt emtar. An arbat boda steat drinn in an gröazarn prodjèkt boda hatt ’z zil zo pinta di lentar un vürgetrakk pittnåndar pinn Kamöündar boda soin auz nå in konfì von Trentino un di Redjong Veneto, asó hatta no khött dar asesór.