Der katalog van dinstn as meing kemmen gem en de bibliotekn, en de museum ont en òndra kulturaln platz ist bolten groas. Pet en kodeks CPV 92500000-6 iaz barts moglech sai’, ver de sèlln as inntschrim sai’ en provinzal Elektronesche Mòrk, drinnleing de òrbetn abia dinstn va nochricht ont va digitaln produktn tschrim as de sproch va minderhait; sprochòrbetn ont as kearn en de sproch, oarschraim pònkdatn lessicografi; ibersetz ont druck va tekstn as de sproch va minderhait, dokumentalndinstn as zuakearn en de Minderhaitnomt, schualòrbetn ont pasuachviarer va de minderhaitkultur ont va de sproch, inventariarn ont kalatogiarn gschichtmaterial. De òrbeter miasn hom de kompetenzn no en sèll as patschrim ist ver za mòchen de sèll òrbet ont bissn de ladinersproch, oder s bersntolerisch oder de zimbersproch. No en de dinstn vòrt ver vòrt kemmen gamòcht de virm, bos ver lear as men praucht ont bos as oa’s schoa’ konn tea’.
Ver òndra vrong: http://www.appalti.provincia.tn.it/mercato_elettronico/ME_bandi/
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
