L catalogh de chel che se pel comprèr l perveit sacotenc servijes per la biblioteches, musees o per etres lesc leé a la cultura. Col codesc CPV 92500000-6 i enscinué sul Marcià Eletronich provinzièl pel ciarièr prestazions desche servijes de comunicazion e realisazion de prodoc digitèi ti lengac de mendranza; atività linguistica computazionèla, regoetes de banches de dac lessicografics; traduzion e elaborazion de tesć ti lengac de mendranza, servijes de documentazion coleé a l’ativitèdes istituzionèles di Enc de mendranza, ativitèdes didatiches e vijites con l’espert con contegnui che fèsc referiment a la cultura de mendranza, servijes spezifics de animazion culturèla e linguistica, endrez de enventères e catalogazion de materièl etnografich. I operatores i cogn aer i requisic che passenea co la materies referides a l’encèria e saer l lengaz ladin, opuramenter l mochen o l zimber. Aldò de la sort di servijes da meter en esser vegn spezificà outa per outa l livel, la sort de studies e la esperienzes madurèdes che serf.
Per informazions:
http://www.appalti.provincia.tn.it/mercato_elettronico/ME_bandi/
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)
