Mercoledì, 28 Settembre 2022 - 10:56 Comunicato 2995

Al Museo de Sèn Michel ultimes dis per veder la mostra. Traduzione in ladino
“La contemporaneità della tradizione. Sguardi sulle comunità cimbra, ladina e mòchena”

Amò pec dis per poder veder la operes fotografiches de la mostra “La contemporaneità della tradizione. Sguardi sulle comunità cimbra, ladina e mòchena” metuda fora aló dal Museo etnografich de Sèn Micel. La rassegna la serarà defat ai 30 de setember. La operes fotografiches de Roberto Galasso, trentasie, les conta tras i retrac l lurier de enrescida sul teritorie portà inant dal Istitut Zentrèl per l Patrimonie Imaterèl (IZPI) del Minister de la Cultura (MiC) e dal Servije Mendranzes linguistiches locales de la Proviniza autonoma de Trent.
La sede dell'Istituto culturale ladino "Majon di Fascegn" e la Pieve di San Giovanni [ Roberto Galasso, Istituto Centrale per il Patrimonio Immateriale]

I 36 retrac fotografics fèsc na sumèda de la storia, la tradizions, i carateres demo-etnoantropologics de la trei comunitèdes aloglotes trentines - zimbra, ladina e mochena -. La operes fotografiches les é toutes fora dal liber “Popoli senza frontiere 2. Tradizioni e territori delle minoranze linguistiche storiche del Trentino. Cimbri, Ladini e Mòcheni” (Effigi 2021). N lurier che l à podù vegnir fat ence de gra ai contribuc di diretores di trei Istitutc de Cultura Zimber - Willy Nicolussi Paolaz, Ladin - Sabrina Rasom, e Mochen - Mauro Buffa. L chèder legislatif e la situazion da anchecondì de la politiches e scomenzadives dintornvia la mendranzes linguistiches de la Provinzia autonoma de Trent vegn porté dant, tel liber, da: Giuliana Cristoforetti,
dirigenta del Servije Mendranzes linguistiches locales; Leandro Ventura, Diretor del Istitut Zentrèl per l Patrimonie Imaterièl, e Jens Woelk - Università de Trent, enciarià dal retor per la scomenzadives tel ciamp de la mendranzes linguistiches.

Do che se serarà su la mostra la operes fotografiches, 12 per vigni comunità, les ge vegnarà donèdes ai Istituc culturèi de la trei comunitèdes.

INFO:

www.museosanmichele.it

www.minoranzelinguistiche.provincia.tn.it

Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)

(cdt)


Immagini