Traduzione in cimbro

Kronvirus: naüge vorschrif von Vorsitzar Fugatti

Vorlengart di maz boda soin sa gest auzgemacht in åndre pellare vorschrift un bia zo nütza djüst di halbmask asó azpe da khütt dar lest dekrèt von Vorsitzar von Ministar Rat.
Ditza machta auz dar naüge vorschrift untarschribet atz 8 von bimmat von Vorsitzar vodar Autonome Provìntz vo Tria, Maurizio Fugatti.
In tèkst khöttma ke ma mocht haltn guat (daz mindarste sin atz 15 von bimmat) alle di maz sa augelekk boda ågian baispil di tåntz saln, di buffet, di ristorént un di ski sistèm.
Vor bazta åsteat in halbmask, mochtmase hèrta nånemmen (ditza varlért vor da gåntz Provìntz) aulengse balma sait innbene (auz baz in di privàtt haüsar)
Obligatoresch aulengse auzbene, auz baz zèrte vert (balma macht spòrt odar khindar untar di sèks djar, un no berda hatt beata un mase nèt auhaltn).
Auzbene mochtma schaung hèrta boma sait un bia ma sait drå: daz sèll boda zelt iz sicharnse zo stiana bait genumma (zbisnen laüt boda nèt lem pittnåndar) un haltn guat allz daz sèll boda iz khent geschafft sin haüt.