Traduzione in mòcheno
Ka Brentonico ver sèsk jungen ist u’pfònk der EuregioSummerCamp 2022
Finz as de viarzena van agest a boch va òrbet ka San Valentino en Trentin
Ungefèr sèsk jungen as kemmen van drai lander van Euregio Tirol-Südtirol-Trentin nemmen toal en EuregioSummerCamp 2022 as haier kimmp gamòcht ka San Valentino pet en spruch “de Natur pakemm se pet de Kultur”. De boch va òrbet as bart se riven as de 14 van agest ist u’pfònk en nomitto van sunta as de sima van agest pet a kloa’na fest.
Ver en president van Euregio ont va de autonome Provinz va Trea’t, ist an bichtege trèff as gip de moglechkaitn en de jungen za kennen de naiekaitn van Euregio ver a zòmmòrbet aus de grenz. Ver en iberòll Sakretare van GECT Tirol-Südtirol-Trentin, Marilena Defrancesco “Der SummerCamp derstellt nou a vòrt a schea’na moglechkait za mòchen pakemmen de jungen van drai lander ver za kennen se ont gea’ iber de sprochzai’, ont meing pesser bissn de gschicht ont de ausònderkaitn van drai derver enteressiart”. Drinn en naturlecherom van Altopiano va Brentonico, der camp unterstitzt de zòmmòrbet ont s ausklòffen se zbischn de jungen van Euregio, durch der slogan va de Trentinische Presidenz 2021-2023: Der Euregio ist jung.
Pet de hilf va auskenneta lait as kennen de sprochen, de jungen meing kennen der Euregio ont sèll as mòcht en toal, durch de vraizait en de natur.
Der spruch van EuregioSummerCamp va haier ist “de Natur pakemm se pet de Kultur”. Bail de roasn umen Brentonico de jungen meing pesser kennen de gschicht, de glaichekaitn ont de ausònderkaitn van lander. De mitthèlver, as kennen taitsch ont de balsch, organisiarn ver de jungen, spiln ver za unterhòltn ont meing se pesser kennen. An schea’n programm ver de vraizait sperrt de boch as keart en EuregioSummerCamp.
Der EuregioSummerCamp ist ver de jungen as augòngen sai’ en de jarder 2008/2009/2010 (lai ver en Tirol de sèlln as ausòngen sai’ en 2007 finz as de 01.09.2007 aa).
Ver za bissn òndra nochrichtn asn EuregioSummerCamp gea’ asn adrèss: https://www.europaregion.info/it/summercamp/
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
(cdt)
Immagini
