De drai Tsunthaitbèrkn sai’ kemmen asou organisiart: Norder sait (Tolgamoa’schòft va de Val di Non, Valle di Sole, Rotaliana Koenigsberg, Paganella, Valle dei Laghi e Territorio Val d'Adige); as de Sud sait (Tolgamoa’schòft Giudicarie, Alto Garda ont Ledro, Vallagarina ont Magnifica Tolgamoa’schòft van Altipiani Cimbri); Ost sait (Tolgamoa’schòft Hoa Valzegu’, Valsugana ont Tesina, Primiero, Comun General de Fascia, Val di Fiemme ont Valle di Cembra).
De Tsunhaitbèrkn barn miasn, durch a stòrcha zòmmòrbet, s meing hom de dinstn òlla en glaiche vurm ont meing kemmen kuriart as de provinzal lòntschòft. S barn miasn kemmen vour galeik de neat òlbe mear groas van lait, iberhaup de sèlln as schbara kronketn hom asou as de meing kemmen kuriart en spitol ont hoa’m aa. Drinn en de Tsunhaitbèrkn barn miasn kemmen gamòcht rèchta lokaln nètzn bou as men kimmp rècht u’ganommen ont no tschauk asou za verpessern de dinstn.
Drinn en de Tsunthaitbèrkn barts hom der viarer va de lòntschòft dipartimentn ont van transmurali spitelder dipartimentn, no der paispil “policentrico lònt”, ont en spitol barn hom de viarer van spitelder dipartimentn, no der paispil va “policentrico spitol”.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
