De Provinz, abia patschrim va de gasetz as de kultur attivitetn (L.p. 15/2007), derkennt as de etnografiche museum enviretrong van lokaln innrichtn, va vraischòftn oder va lait van lokaln praich, sai’ innrichtn as prauchen ver za derretn de lokaln praich, ver za derhòltn ont giltn de lokal kultur, de praich van lait ont van folklore, ober gor sprochen, s derkenn va de lòntschòft ont van ourtn. Ver en 2023 alura, de Provinz billt unterstitzn de projektn vourtschbunnen van museum ont van saitn va etnogradische enteress inntschrimm en de liste, u’ganommen va bea’ne pet an ausrot van Viarer van UMSe etnografische nètz van kloa’n museum ont ecomuseum Giovanni Kezich. De innrichtn meing vrong an paitrog ver de projektn pet de rif za derhòltn ont giltn de lokal kultur.
De projektn, zan paispil, meing enviretrong drucken, kataloge, plakatn; leing en gabisshait de sitz van museum, leing en plòtz s zaig oder de sitz, derhòltn, putzn, ausrichtn s zaig; organisiarn ont amministriarn de sitzn (òrbeter, mitòrbeter, amministrativdinstn, post, telefon, zaig ver za schraim, zins, innbermen, liacht, putzn, kloa’s zaig za richtn); verpessern de austellung ont de austellung van moment; s viarn s zaig (zan paispil zaig ver de ausstellung ont ver de scenografi) gèlt ver de versichern, mòchen promozionen ont reklam, mòchen CD, DVD, digitalzaig ont zaig ver za learnen, de mittòrbet va lait a katalogiarn, as learnen, as pasuachen, as ibersetzn ont as klòffen.
De Unitet va oa’vòche mission (UMSe) etnografische nètz van kloa’n museum ont ecomuseum bart ausschaung de vrong as sai’ aribart ont barn gem de punktn noch de riven as paschraip de gasetz, de qualitet, de precision ont der projekt, de sinergi pet de òndern museum oder etnografische sitzn, de organizazion ont de amministrazion, ont noch s gèlt as de meing sèlber leing. Der paitrog ist gem ver en 80% va sèll as men praucht ont der bart nèt meing sai’ mear as 6.000 euro. De vrong miasn kemmen vourstelllt iberinn en 10 van leistagst 2023.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
