De Etnografische museum miasn derhòltn ont giltn de elementn va òll schòrt va de lokalkultur, van prauch van lait ont van tròchtn, van lokalsprochen, van kennen ont van regiar va de lòntschòft van bòlt, va de hirtschòft ont van ourt, ont schaung iberhaup s toalnemmen van lait va de regiar van òllgamoa’zaich, ont van pahalter van lait ont va de musik, as sai’ vil en eirter van Trentin. Galeik en ourt ont augòngen gèltsgott en de projektn va òll mentsch, va gruppn ont vraischòftn, de doin museum sai’ bichte ver de lokalgamoa’schòftn ver de pasuach ont ver en giltn van lokalnpraich, ver de gamoa’schòft ont ver za learnen.
As de entnografische museum hòt men gamòcht òllgamoa’zòmmtrèffn za giltn de òrbet van vriaschòftn as ist um en de doi bèlt; men hòt ensint za mòchen òndra trèffen.
Kloa’na museum, kollezionen, saitn etnografische abia de miln, de schmi’n, de song, de kasèlln sai’ kemmen drinn galeik en an Zeil gamòcht en 2022 va de oa’vòche Unitet va mission va de etnografische netz, van kloa’n museum ont ekomuseum va de autonome Provinz va Trea’t. Derno pet en sèll as ausser kemmen ist van zeil, sai’ kemmen aro tschrim de virm ver za schraim se inn en a lista van etnografische museum as sai’ as de gònze lòntschòft va de provinz. Derno as sai’ kemmen u’ganommen de virm, barn kemmen auganommen de vrong ver za schraim se inn en de lista van etnografische museum ont van sèlln as enteressiart sai’ za mòchen toal. Dòra an bando bart gem de moglechkait za vrong de zuazoln - 100.000 euro ver an iatn jor 2023 ont 2024 - as sai’ kemmen vort galeik ver za derhòltn de etnografische museum.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
