Traduzione in ladino
EUSALP: competenzes trasversèles e oportunitèdes de lurier sa mont per i joegn anter la prioritèdes del Grop de azion 3
A Scuol, te la Svizra, l é stat metù a jir la sescion de lurier adum del Executive Board EUSALP e di coordenadores di neves Gropes de azion tematics, che à aproà l pian de lurier per i trei egn 2023-2025 del Grop de azion 3 de EUSALP “Marcià del lurier, educazion e formazion”, coordenà da la Provinzia autonoma de Trent tras l Servije mendranzes linguistiches locales e audit euroepean.
L assessor provinzièl a l’istruzion, università e cultura Mirko Bisesti, che del 2022 l é stat delegà a la presidenza EUSALP reta adum da la doi Provinzies autonomes de Trent e de Busan, à palesà sia sodesfazion e l ge à augurà bon lurier ai comembres del Grop, se auguran che l’ativitèdes pervedudes tel pian de lurier renforze la coopreazion anter i teritories di Paijes che tol pèrt a la macrostrategia da mont, col tor ite dalbon duc i atores locai de maor emportanza – enc publics, sentadins, firmes e soraldut i joegn. L assessor à sotrissà la gran valuta che à la azions portèdes dant per la valorisazion de la soft skills endèna la inaudazion del an european de la competenzes de mé del 2023: “La proponeta de lurèr fora na metodologia per la identificazion e la valutazion de competenze trasversèles spezifiches toutes su te contesć profescionèi la é dalbon inovativa vedù la malsegurezes coleèdes a la definizion, recognosciment e validazion de chesta competenzes che, enceben che les sie complementères respet a cheles profescionèles e fondamentèles per jir ite tel mond del lurier, les vegn lascèdes fora dal aprendiment scolastich. Con chesta sperimentazion la Region da mont la pel doventèr n laboratorie european per la creazion de n sistem per duc che l é de utol per l recognosciment e la certificazion de la competenzes trasversèles”.
La dopia transizion – verda e digitèla – la é do a fèr vegnir fora oportunitèdes de lurier che domana de creèr neves perfii profescionèi, l agiornament e na calificazion profescionèla miora di lurieranc. Te chest contest, coi obietives e l’ativitèdes portèdes dant dal grop se vel ge dèr na responeta ai besegnes, mudé, del marcià del lurier da mont col se oujer no demò ai joegn, ma ence ai lurieranc più gregn, tras programes de aprendiment permanent (life – long learning), aldò de la miscion del Grop “miorèr l adatament del marcià del lurier, de la istruzion e de la formazion ti setores strategics”. La prioritèdes de lurier les perveit: favorir la esperienzes coleèdes a la formazion profescionèla; tor su e valorisèr la competenzes trasversèles (soft skills) sibie te contesć de aprendiment che ence te chi profescionèi; l besegn de balanzèr la perferida e la domana de lurier te la regions da mont, sostegnan i joegn tel troèr oportunitèdes de lurier aldò de sia previjions e con n didament ai datores de lurier locai te la selezion de personal calificà. La sperimentazions les vegnarà fates soraldut te trei setores dassen emportanc per nesc teritories – zicle del legn, agro-agroalimentèr e turism – cernui per sie contritut che i podessa dèr per arjonjer obietives de economia zicolèra. L Grop l vel engaissèr ence a se emprevaler de neva tecnologies per l aprendiment, la formazion e l lurier da cèsa, che l pel esser de joament per ferèr l problem del arbandon de la arees da mont.
Traduzion di Servijes Linguistics e Culturèi del Comun general de Fascia
(cdt)
Immagini
