Chi che tol pèrt i cogn aer na bona cognoscenza del lengaz talian scrit e rejonà. Tel cajo che l numer de chi che domana l é maor che i posć a la leta, ge vegnarà dat prezedenza a chi che pel documentèr de se aer jà dat ju con esperienzes de schertura, e do a chi che i vegn da zones delaite del teritorie trentin. Tel cajo che fossa amò più jent te la medema condizions, na comiscion aposta, metuda adum dal scritor Valerio Millefoglie con Emanuela Rollandini e Lucia Cella, funzionères de UMSt soraintendenza per i bens e la ativitèdes culturèles, la se festidiarà de fèr na selezion aldò ti scric mané ite.
A la 5 scontrèdes online avertes a duc ge vegnarà jontà ence ocajions de confront con referenc del teritorie e raprejentanc del mond culturèl trentin. Chestes les vegnarà endrezèdes e portèdes dant fajan referiment ai singoi percorsc de schertura.
I tesć che vegnarà metù ju endèna i lurieres de laboratorie i vegnarà metui adum te la publicazion “Da ogne mond, l paisc. N codejel de viac che te mena envers i lesc che se porton daite”.
La candidatures les cognarà vegnir manèdes ite dant da les 12.00 di 5 de firé 2024 a la direzion email:
emanuela.rollandini@provincia.tn.it
Per tor pèrt a la scontrèda de prejentazion online ge vel se scriver ite te la piataforma:
“MondoTrentino Village https://mondotrentinovillage.it/
Chiò enjontà la domana de amiscion
Traduzion di Servijes Linguistics e Culturèi del Comun general de Fascia
