Traduzione in cimbro
Covid-19: naüge vorschrif vor bemda khint bidrùmm vo Croazia, Grecia, Malta un Spagna
Untarschribet haüt von Vorsitzar vodar Provìntz, nå in vorschrif von Ministèråmt vor di Gesunthait
Di laüt boda khearn bidrùmm in Beleschlånt dòpo z’soina gest in di lestn 14 tage in Croazia, Grecia, Malta un Spagna mochan machan in molekolàr antigenische test durch tupfar, ditza balsa rivan in flugplatz, in pòrto odar affon konfì, odar in provintzial Åmt vor di gesunthait dianst vorda auz soin di 48 urn sidar azza soin bidrùmm. Antånto azza paitn bia ’z izta gånt dar test mochansa stian auz alumma un dahuam.
Odar, da mochan zoang, balsa ausitzan zo kheara bidrùmm in Beleschlånt, ke da håm gemacht in test – boda iz gest negatìf – in di lestn 72 urn vor zo riva iar.
Ditza iz daz sèll boda auzmacht dar naüge vorschrif untarschribet haüt von Vorsitzar vodar autonome Provìntz vo Tria boda geat nå in vorschrif von Ministèråmt vor di Gesunthait auzgètt atz 12 von snitt.
Di laüt boda khearn bidrùmm von lentar boma sait drå zo reda, siånka azza nèt soin krånkh, mochan melden subito in Dipartimént vor di vorhüatn von gesunthait Åmt ke da soin gekheart bidrùmm in Beleschlånt.
Zo maha in tupfar in Trentino izta mångl auzzovülla in formulàr online affon link: https://servizi.apss.tn.it/rientroestero/
’Z gesunthait Åmt bart rüavan ’z mentsch un barten khön bo un benn zo giana zo macha in tupfar.
Da gekhluppet dar vorschrif
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
https://www.ufficiostampa.provincia.tn.it/Comunicati/Covid-19-nuova-ordinanza-per-chi-rientra-da-Croazia-Grecia-Malta-e-Spagna
(cdt)
Immagini
