Traduzione in ladino
Corsc de lengaz ingleis e todesch per jent grana, l é amò temp per se enscinuèr
L Servije per la formazion profescionèla, formazion terziaria e funzions del sistem de la Provinzia Autonoma de Trent fèsc a saer
L Servije per la formazion profescionèla, formazion terziaria e funzions del sistem de la Provinzia Autonoma de Trent fèsc a saer che l é amò temp per se enscinuèr ai corsc de lengaz ingleis e todesch metui a jir tel chèder del Pian Svilup e Union de la Provinzia autonoma de Trent che dèsc n seghit al Program operatif FSE 2014-2020.
I corsc i se ouc a jent che no l é en penscion, che à la residenza te la provinzia de Trent, anter i 25 e i 59 egn, e che cognosc dantfora l lengaz amancol per n livel A1. Se pel desćiarièr l catalogh co la perferida de la formazion da chesta direzion: www.fse.provincia.tn.it/- opportunità per le persone - catalogo lingue adulti.
L projet l se met dant de fèr crescer la competenzes linguistiches de duta la popolazion trentina, per chel che revèrda i lengac todesch e ingleis.
Per se enscinuèr se cogn empienir ite la domana online, sul sit www.fse.provincia.tn.it, col azess tras SPID (Sistem Publich de Identità Digitèla).
Per aer duta la informazions en cont ai percorsc se pel se oujer a la Strutura Multifunzionèla Teritorièla Ad Personam – del Umse Europa via Pranzelores, 69 – 38121 Trent, che la é averta a la jent te chisc oraries: dal lunesc al vender da mesa les 9 da doman fin mesa les 6 da sera – N. vert 800 163 870 - e-mail:
adpersonam.fse@provincia.tn.it e/o ai Enc de formazion che i é tel catalogh.
Traduzion di Servijes Linguistics e Culturèi del Comun general de Fascia
(cdt)
Immagini
