Regln ver za mòchen de tamponen en de farmacie
De farmacie as mòchen de tamponen antigenici barn se miasn innschraim en stòttprotokoll va de Apss as de doi mail: abilitazioneesterni@apss.tn.it. De farmacie as schoa’ iaz inntschrim sai’ en de vraiòrbet asn provinzallònt barn meing envire gea’ asou a’ne innschraim se bider en nai protokoll.
Toalnemmen van lait en sportivnaiekaitn oder kulturnaiekaitn en sperreta oder offega platz ont strukturn.
S plaip gamiast za hom der grea’ zertifikat covid, ont as lai an 50% van derlapplòtz pet lait praucht kemmen mu.
Naiekaitn ont naiòrbetn as gamòcht kemmen en groasa ont nèt pagrenzeta platz.
S ist nèt noat za hom der grea’ zertifikat covid ver de naiekaitn ont naiòrbetn as gamòcht kemmen en groasa ont nèt pagrenzeta platz, as nèt pastimmta inngòng hom, en de beiln as toelnemmen meing lait as ònderst tea’ miasn ont as ver dòs nèt gamòcht kemmen ver pastimmta lait ont as nèt pagrenzt sai’ ver de sèll naiekait/naiòrbet. S plaip enveze glaich ver de kirchteger ont de groasn mark, men mu aninn gea’ lai petn grea’ zertifikat covid ont de lait as organisiarn miasn s bissn lònk en de lait pet tovln; benns gamòcht kimmp an kontroll s bart stroft kemmen lai s mentsch as nèt der zertifikat hòt ont nèt de sèlln as organisiart hom benn de rècht informiart hom no en de regln.
Skilift ver en summerturismus
S mu òlbe nou lai an 50% van derlapplòtz pet lait praucht kemmen; dòra, ver za lòng a pessera ont sichera regiar van gea’ ont kemmen òll to van lait as prauchen der skilift, men tuat ònderst rèchnen biavle lait as en u’vòng aninngea’ meing, ober s plaip as lai an 50% van derlapplatz pet lait praucht kemmen mu.
De grea’ zertifikatn covid ont virm ver za kontrolliarn sa en de schualn ont en de provinzaln schualndinstn ont en de provinzaln kindergortndinstn.
De meglechket za nemmen toal van mearer strumentn ver za kontrolliarn de grea' zertifikatn as zòmmhelven en de applicazion ver en handy “VerificaC19” ist za meing prauchen aa ver de viarern van schualnistitutn ont learistitutn van provinzal learsistem, ver de vourstea'ner u'stelltn van leardinstn ver de earstnkindergortn, ver de viarern van provinzaln kindergortn ont van vourstea'ner van kindergortn glaichgamòcht.
En de glaiche zait men derklort abia der grea' zertifikat van covid ist gilte ver de u'stelltn van schualn, learern ont nèt zòmm pet de u'stelltn as òrbetn en de erste kindergortn ont dinstn, asou abia en de u'stelltn as òrbetn ver de schualndinstn ont leardinstn ver de òrbetn gamòcht ver de schualn inklusion, ont nou ver de u'stelltn va privatdinstn oder konvenzionart pet istitutn, ont nou en òlla de u'stelltn as òrbetn en de schualndinstn ont sai' glaich ver òrbet abia de schualnu'stelltn.
Abia as de hom za tea' de provinzalziglsistem institutn ont de sozial-zigldinstn van earstnkindergortn, de Schualinstitutn va de earste ont va de zboate zait.
Van earst va leistagst, schualnaiòrbetn ont learnaiòrbetn, miast men mòchen no sèll as song de nain provinzalviarerregln.
Bèrkèssendinstn ont èssendinstsoln ver òllgamoa'òrbeter ont privatòrbeter
Bèrkèssendinstn ont èssendinstsoln meing kemmen praucht lai van òrbeter as hom der grea'zertifikat covid.
De schòff ont de aigena zommgaleik vinnt men as en doi link: https://www.ufficiostampa.provincia.tn.it/CORONAVIRUS-Aggiornamenti-e-comunicazioni
