De nai schòff geat no en sèll as der stòtt patschrim hòt ont as de Junta en de leistn ta hòt u’ganommen “tsechen de istituzionaln naiketn van leistn stunnen, iberhaup bavai s miast kemmen u’ganommen an nain Dpcm keing en de pandemi va Covid-19, aa benns en Trentin de sòchen sai’ nèt asou schlècht abia en òndra saitn”. Va hait, de birtshaiser ont de birtn sperrn um secksa zobenz ont s kimmp augahòltn der sport en de “meivernsezimmer” as drinn sai’ en de schualn.
Derzua de schòff
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
