Traduzione in ladino

Contribuc informazion locala: l é stat aproà i neves criteries

La stazions radiotelevijives e i portai de informazion che laora tel Trentin i podarà manèr ite la domana de contribut, dai 2 ai 31 de otober, per poder peèr i didamenc pervedui da la lege provinzièla del 2016 sui entervenc de promozion de l’informazion locala. En vender ai 15 de setember la Jonta provinzièla l’à aproà na delibera con ite l nef regolament con chel che vegn metù fora i criteries e la modalitèdes de conzescion di didamenc, col sistem “de minimis”, per didèr l sparpagnament di contegnui informatives fac en autoproduzion de enteres local.
I mudamenc porté ite i perveit na revijion di criteries aplicatives outa a la scemplificazion e a poder verifichèr più sorì i titoi e i oblighes pervedui. Amò apede, la modalitèdes de paament di didamenc no la vegnarà più fata très la compensazion d’imposta, ma l contribut sul cont capital l vegnarà paà diretamenter sul cont corent de la firma che l ge speta.